આજે કરોડો કમાતા આ 6 બોલીવુડ એક્ટરની, પહેલી કમાણી હતી ખુબજ ઓછી, પહેલી સેલરીથી કર્યું હતું આ કામ

0
187

દરેક વ્યક્તિને તેની પહેલી સેલરી જિંદગીભર યાદ હોય છે. જ્યારે સામાન્ય માણસથી લઈને બોલિવૂડ સ્ટાર્સ સુધીના લોકોને તેમની પહેલી સેલરી વિશે પૂછવામાં આવે ત્યારે તે વાર્તાને ખૂબ જ રસ લઇને જણાવે છે. ભલે આ બોલિવૂડ સ્ટાર્સ હાલમાં કરોડપતિ હોય, પરંતુ એક સમયે તેમને પણ ઘણી સમસ્યાઓનો સામનો કરવો પડ્યો હતો. કોઈ પણ વ્યક્તિ શરૂઆતથી સફળ હોતો નથી. દરેક વ્યક્તિનો સફળ થતાં પહેલાંનો ભૂતકાળ હોય છે. અલબત્ત, હાલમાં આ સિતારાઓ પાસે એટલા પૈસા છે કે તે વિશ્વની બધી વૈભવી વસ્તુઓ ખરીદી શકે છે, પરંતુ એક સમય એવો હતો જ્યારે તેઓ તેમની મહેનતની કમાણીમાં મેળવેલા કેટલાક પૈસાથી ખુશ રહેતા હતા. આવી સ્થિતિમાં આજના આ લેખમાં, અમે તમને કેટલાક એવા બોલિવૂડ સ્ટાર્સની પહેલી સેલરી વિશે જણાવવા જઈ રહ્યા છીએ.

શાહરૂખ ખાન : શાહરૂખ ખાનને હાલમાં કોઈ ઓળખની જરૂર નથી. દુનિયાભરના લોકો તેને બાદશાહ અથવા કિંગ ખાન તરીકે ઓળખે છે. એક ઈન્ટરવ્યુમાં શાહરૂખે કહ્યું હતું કે તે વધારાના પૈસા માટે ટ્યુશન આપતો હતો અને મહિનામાં તેની પહેલી કમાણી 25 રૂપિયા હતી. આ પૈસાથી તેણે પોતાના માટે એક સાયકલ ખરીદી હતી.

કલ્કી કોચેલિન : કલ્કી કોચેલિન બોલિવૂડની પ્રખ્યાત અભિનેત્રી છે. ભલે તેણે બહુ ઓછી ફિલ્મોમાં અભિનય કર્યો હોય, પણ દુનિયા તેની અભિનય પ્રતિભાથી વાકેફ છે. એક ઇન્ટરવ્યુમાં કલ્કીએ કહ્યું હતું કે તેણે તેના પહેલા પગારથી તેના મકાનનું ભાડુ ચૂકવ્યું હતું. જોકે તેણે પગાર જાહેર કર્યો ન હતો.

ઇરફાન ખાન : ઇરફાન ખાનનું નામ બોલિવૂડના સર્વશ્રેષ્ઠ અભિનેતાઓમાં આવે છે. આજે ભલે તે આપણી વચ્ચે ના હોય પણ ઈરફાન જે સ્થાન પર હતો ત્યાં તેને પહોંચવા માટે તેણે ખૂબ જ જહેમત ઉઠાવી હતી. ઇરફાન બોલિવૂડનો એક એવો જ ભાગ્યશાળી અભિનેતા હતો, જેને હોલીવુડમાં કામ કરવાની તક પણ મળી હતી. ઇરફાને ઇન્ટરવ્યુમાં કહ્યું હતું કે તેણે વધારાના પૈસા ઉમેરવા માટે સેલ્સમેન તરીકે કામ કર્યું હતું અને આ માટે તેને 200 રૂપિયા મળ્યા હતા.

અર્જુન કપૂર : આજકાલ અર્જુન કપૂર તેની ફિલ્મો કરતા વધારે મલાઇકા સાથેના તેના સંબંધોની હેડલાઇન્સ બનાવી રહ્યો છે. દિવસોમાં અર્જુન તેની આગામી ફિલ્મ પાણીપતનાં શૂટિંગમાં વ્યસ્ત છે. અર્જુને ખુલાસો કર્યો હતો કે તેની પહેલી કમાણી 18 વર્ષની ઉંમરે 35,000 રૂપિયા હતી, જેની મદદથી તેણે ફિલ્મ ‘કલ હો ના હો’ ના ડિરેક્ટર નિખિલ અડવાણીને મદદ કરી હતી.

રણદીપ હૂડા : ફિલ્મ ‘સરબજિત’ થી લોકોનું દિલ જીતનાર રણદીપ હૂડા આજકાલ ફિલ્મ ઇન્ડસ્ટ્રીથી દૂર છે. તમને જણાવી દઈએ કે, રણદીપ હૂડાએ ઓસ્ટ્રેલિયામાં ઓટો સાફ કરીને તેની પ્રથમ કમાણી કરી હતી, જેના માટે તેને 40 રૂપિયા મળ્યા હતા.

રિતિક રોશન : રિતિક રોશન બોલિવૂડના પ્રખ્યાત અભિનેતા છે. તે સુપરસ્ટારનું એક ઉત્તમ ઉદાહરણ છે. રિતિક એકદમ ફિટ અભિનેતાઓમાં સામેલ છે, તેથી જ તેના જોરદાર અભિનયને પણ દર્શકો ખૂબ પસંદ કરે છે. હાલમાં જ રિલીઝ થયેલી તેની ફિલ્મ ‘સુપર 30’ દર્શકોને ખૂબ પસંદ આવી છે. બાળ કલાકાર તરીકે કામ કરનાર રિતિકને 6 વર્ષની ઉંમરે ફિલ્મ ‘આશા’ માટે 100 રૂપિયાનું ઇનામ આપવામાં આવ્યું હતું. આ પૈસાથી તેણે પોતાના માટે રમકડાની કાર ખરીદી હતી.

LEAVE A REPLY

Please enter your comment!
Please enter your name here