88 બાળકોનો પિતા હતો ભારતનો આ રાજા, તેમના શોખની કરવામાં આવતી હતી વિદેશમાં પણ ચર્ચા

0
272

આઝાદી પહેલાં આપણો દેશ ઘણા નાના રાજ્યોમાં વહેંચાયેલો હતો. પટિયાલા રાજ્ય પણ તેમાંથી એક હતું. પટિયાલાની રોયલ્ટી સમૃદ્ધ રજવાડાઓમાં ગણાતી હતી. મહારાજા ભુપિંદર સિંઘ દેશના પહેલા વ્યક્તિ હતા જેમની પાસે પોતાનું ખાનગી વિમાન હતું. મહારાજા ભુપિંદર સિંહની જીવનશૈલી જોઈને અંગ્રેજો પણ ચોંકી ગયા હતા. તે જ્યારે પણ વિદેશ જતા ત્યારે તે આખી હોટલ ભાડા પર લઈ લેતા હતા. મહારાજા ભૂપિંદર સિંઘ પાસે 44 રોલ્સ રોયસ કાર હતી, જેમાંથી 20 રોલ્સ રોયસ કાફલોનો ઉપયોગ ફક્ત દૈનિક રાજ્ય મુલાકાત માટે થતો હતો.

મહારાજા ભુપિંદર સિંઘ પટિયાલાના એવા રાજા હતા, જેના વિશે ઘણી વાર્તાઓ પ્રખ્યાત છે. તે ભારતીય ક્રિકેટ ટીમનો કેપ્ટન પણ હતો. ભારતમાં ક્રિકેટ બોર્ડ ઓફ કન્ટ્રોલ ઉભુ કરવામાં મહારાજાએ ઘણા પૈસા ખર્ચ્યા હતા. આ સિવાય જ્યારે પણ ભારતીય ટીમ 40 ના દાયકા સુધી વિદેશ જતા ત્યારે તેઓ સામાન્ય રીતે તેમનો ખર્ચ ઉઠાવતા હતા. જોકે બદલામાં તેમને ટીમના કેપ્ટન પણ બનાવવામાં આવ્યા હતા.

10 રાણીઓ અને 88 બાળકો : દિવાન જર્મની દાસે તેમની પુસ્તક “મહારાજા” માં મહારાજા ભૂપિંદર સિંહ વિશે વિગતવાર લખ્યું છે. મહારાજા ભુપિંદર સિંહની 10 રાણીઓના 88 બાળકો હતા. શનોષોકત વિશે મહારાજાની ચર્ચાઓ સમગ્ર વિશ્વમાં ફેલાયેલી હતી. 1935 માં તે બર્લિનના પ્રવાસ પર હિટલરને મળ્યો હતો. એવું કહેવામાં આવે છે કે હિટલર મહારાજા ભુપિંદર સિંહથી એટલા પ્રભાવિત થયા હતા કે તેમણે પોતાની મેબેચ કાર રાજાને ભેટમાં આપી હતી. હિટલર અને મહારાજા વચ્ચેની મિત્રતા લાંબા સમય સુધી ટકી હતી.

સૌથી મોંઘો હીરાનો હાર : મહારાજા ભુપિંદર સિંહના છટાદાર હોવાના એકથી વધુ ઉદાહરણો છે. વર્ષ 1929 માં, મહારાજાએ કિંમતી પથ્થરો, હીરા અને ઝવેરાતથી ભરેલી પેટી પેરિસના ઝવેરીને મોકલી હતી. લગભગ 3 વર્ષની કારીગરી પછી, ઝવેરીએ એક ગળાનો હાર ડિઝાઇન કર્યો જેની ખૂબ ચર્ચા થઈ હતી. આ ગળાનો હાર તે સમયે દેશના સૌથી મોંઘા ઝવેરાતમાંથી એક હતો.

ક્રિકેટ પ્રતિ અનોખો પ્રેમ : પટિયાલાના મહારાજા ક્રિકેટને ચાહતા હતા. બીસીસીઆઈની રચના સમયે, તેમણે માત્ર એક વિશાળ નાણાકીય ફાળો આપ્યો જ નહીં, પરંતુ પાછળથી તેમણે હંમેશા બોર્ડને મદદ પણ કરી હતી. મુંબઈના બ્રેબોર્ન સ્ટેડિયમનો એક ભાગ પણ મહારાજાના યોગદાન દ્વારા બનાવવામાં આવ્યો હતો.

LEAVE A REPLY

Please enter your comment!
Please enter your name here